Gjatë ditës së djeshme është mbajtur një mbledhje komemorative për gazetaren Ardita Sylejmani, e cila ndërroi jetë gjatë lindjes së fëmijës në një spital në Budapest të Hungarisë.
Axha i të ndjerës, Fehmi Sylejmani, ka folur në emër të familjes ku ka shprehur dhimbjen dhe krenarinë, ndërsa ka falënderuar të gjithë njerëzit që e ndan dhimbjen me ta.
Sylejmani ndër të tjera ka treguar se komplikimi i gjendjes së Ardites gjatë lindjes ka bërë që ajo të sakrifikojë jetën e saj për të shpëtuar foshnjën.
“Ardita iku nga kjo botë në një betejë të vështirë për ta shpëtuar Gretën gjatë një lindje të vështirë e të komplikuar. Në këtë betejë të pamundur ku nuk mund të fitonin të dyjat, Ardita zgjodhi jetën e Gretës, për të përmbushur misionin e saj si një nënë, e cila sakrifikoi veten për beben e saj. Me siguri tani Ardita është e lumtur që Nartit dhe Lizës ua bashkoi edhe engjëllin e tretë, Gretën dhe ata i la në duart e bashkëshortit dhe gjithë familjes së saj. Është e vështirë për mua të përmbahem në një moment si ky që kurrë nuk kisha dashur, e për Arditën më së paku. Ardita ishte gëzimi i parë në familjen tonë, ishte gjithmonë e hareshme, e afërt, e këndshme dhe mbi të gjitha shumë e dashur. Do të na mungojë shumë sot e tutje, mirëpo përkushtimi dhe korrektësia e saj neve na bën shumë krenar. Lamtumirë Arditë, engjëlli ynë”, ka thënë axha i Arditës, i cili në emër të familjes falënderoj të gjithë që po e ndajnë këtë dhimbje të madhe me ta dhe po u japin kruajë për ta përballuar sa më lehtë këtë dhimbje.
Në këtë mbledhje kanë folur edhe kolegët e të ndjerës të cilët kanë shprehur dhimbjen dhe trishtimin e tyre për vdekjen e Ardites. /Gazeta Shneta/