Gjykata Themelore në Prishtinë ka vendosur që ortopedi Sami Delijaj i arrestuar për dyshime për vepren penale “Marrje ryshfeti” të vendoset në paraburgim shtëpiak.
Gjykata ka refuzuar kërkesën e Prokurorisë që mjekut në fjalë t’i caktohet masa e paraburgimit, shkruan Gazeta Shneta.
Gjyqtarja e procedurës paraprake e ka refuzuar si të pabazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit S.D dhe të njëjtit i ka caktuar masën e arrestit shtëpiak në kohëzgjatje prej 1 (një) muaji.
Masa e arrestit shtëpiak të pandehurit S.D i është caktuar në harmoni me nenin 181 paragrafi 1 nënparagrafi 1.1 e 1.2 lidhur me nenin 184 paragrafi 1 nënparagrafi 1.1 dhe 1.2 të KPPRK-së, ndërsa konform nenit 181 paragrafi 5 të KPPRK-së, në rast të mosrespektimit të masës së arrestit shtëpiak, gjykata mund të caktoj masën e paraburgimit kundër të pandehurit S.D, – thuhet në vendim.
Ky vendim është publikuar në faqen zyrtare të Gjykatës Themelore në Prishtinë.