Zyra Kombëtare e Auditimit ka publikuar raportin financiar vjetor të Shërbimit Spitalor Klinik Universitar të Kosovës për vitin 2021.
Gjatë auditimit ZKA ka gjetur keqklasifikim të shpenzimeve në ShSKUK.
Sipas raportit, Shërbimi Spitalor Klinik Universitar i Kosovës gjatë vitit të kaluar kishte bërë pagesë në kategorit jo adekuate prej 519 mijë e 241 euro.
391 mijë e 693 euro shpenzime janë regjistruar në kategorin e investimeve kapitale ndërsa i takonin kategorisë së mallrave dhe shërbimeve.
Spitali i Gjilani 27 mijë e 64 euro dhe spitali i Prizrenit, 98 mijë e 65 euro i kanë ekzekutuar në kategorin komunale ndërsa i takonin kategorisë së pagave dhe meditjeve.
“Keq klasifikimet kishin ndodhur për shkak të mungesës së mjeteve në kategoritë përkatëse për të ju përshatur nevojave që kanë dalur për menaxhimin e pandemisë”, thuhet në raportin e ZKA-së.
Zyra Kombetare e Auditimit njofton se pagesat e kryera nga kodet joadekuate të shpenzimeve kanë ndikuar në mbivlerësimin e njërës komponentë dhe nënvlerësimin e komponentës tjetër dhe rrjedhimisht kanë paraqitur jo drejtë shpenzimet.
ZKA rekomandon se Bordi Drejtues dhe Drejtori i Përgjithshëm duhet të bëjnë analiza të mirëfillta për shpenzimet dhe projektet të buxhetohen në përputhje me shpenzimet. /Gazeta Shneta/