Një baba e dërgoi vajzën 4 javëshe në spital pasi e dëgjoi duke qarë në një mënyrë tjetër.
Vajza u diagnostikua në spital me një sëmundje që ia kërcënonte jetën dhe ra në koma për tri ditë, shkruan DailyMail, transmeton Gazeta Shneta.
Stu Bonsall nga Britania e Madhe, kërkon nga prindërit që të besojnë në instinktet e tyre prindërore, edhe nëse kjo mund t’u duket diçka ‘idiote’.
“Mund të mos bëja asgjë nga frika që dikush të më thoshte se po e teproj. Por reagimi im e shpëtoi vajzën nga vdekja”, ka thënë ai.
“I këshilloj të gjithë prindërit e shqetësuar që ta vizitojnë spitalin. Mund të jetë shpëtuese”, ka shtuar ai.
“Ia kam njohur mënyrën se si qante bebja dhe e vërejta dallimin dhe doja që doktori ta kontrollonte njëherë”.
Vajza u diagnostikua me një sëmundje të rrallë ku përgjigja e trupit ndaj infeksionet shkakton dëme të indeve dhe organeve tjera. /Gazeta Shneta/