Neonatologia dhe kandidatja për deputete nga PSD-ja, Dr. Besa Baftiu, ka marr pjesë sot në tryezën e organizuar nga KDI ku është diskutuar për qasjen e subjekteve politike rreth çështjes së gjinekologëve në nivel komunal.
Baftiu ka marr shembull rastin e komunës së Kamenicës ku prej vitesh nuk ka asnjë gjinekolog. Ajo ka thënë se nga viti 2015-2017 disa gjinekologë të komunës së Gjilanit kanë punuar me rotacion, por kjo ishte ndërprerë pasi nuk kishte një vendim institucional.
“Do të angazhohem dhe do të jap maksimumin që kjo çështje të zgjidhet sepse e di rëndësinë e gjinekologut. Nuk është në pyetje vetëm një jetë, por dy e më tepër dhe angazhimi im do të vazhdoj në këtë drejtim”, ka deklaruar Baftiu.
Ajo ka thënë se sipas OBSH-së në çdo vend ku ka më shumë se 3 mijë gra atëherë duhet të ketë një gjinekologë. “Ndërkaq Kamenica ka rreth 36 mijë banorë dhe 50 për qind e tyre janë gra. Prandaj do të duhej të ishin 6 gjinekologë, por atje nuk ka fare”, ka deklaruar Baftiu.
Baftiu ka thënë se deri në një zgjidhje të përhershme nga niveli komunal, do të duhej të kishte një zgjidhje të përkohshme nga niveli qendror, përkatësisht Ministria e Shëndetësisë. /Gazeta Shneta/