Një studim i ri nga Universiteti i Auckland tregon se një transplant i mikrobiomës së zorrëve (FMT) tek adoleshentët obezë mund të sjellë përfitime të qëndrueshme për shëndetin, duke ulur rrezikun për diabet dhe sëmundje të zemrës.
Në vitin 2017, 87 adoleshentë obezë morën pjesë në studim ku iu dhanë kapsula me bakteret “e mira” të zorrëve nga donatorë të shëndetshëm.
Katër vjet më vonë, grupi që kishte marrë bakteret nuk kishte shtuar peshë dhe ishte mesatarisht 11 kg më i lehtë se grupi placebo. Ndërsa ndryshimi i peshës nuk ishte statistikorisht i madh, efekti mbi sindromën metabolike ishte i dukshëm, duke ulur rrezikun për diabet tip 2 dhe sëmundje kardiovaskulare.
Profesori Justin O’Sullivan thekson se bakteret e dhuruara ishin të qëndrueshme edhe katër vjet më vonë, duke treguar që një trajtim i vetëm mund të sjellë ndryshime të gjata në mikrobiomën e zorrëve.
Hulumtuesit tani po punojnë për të zhvilluar probiotikë të personalizuar që targetojnë sëmundje specifike, me qëllim të parandalimit të sindromës metabolike dhe rritjes së shëndetit afatgjatë.
“Qëllimi ynë përfundimtar është të krijojmë një miks bakteresh që mund të përdoret për të parandaluar ose moderojnë sindromën metabolike,” thotë profesori Wayne Cutfield.
Ky studim tregon potencialin e mikrobiomës për të transformuar shëndetin e adoleshentëve obezë dhe për të zvogëluar rrezikun e sëmundjeve kronike në të ardhmen./Gazeta Shneta/