Një ekip studiuesish të lidhur me institucione të shumta në Kinë, duke punuar në mënyrë kolegtive me SHBA-në, ka izoluar një lloj bakteri në zorrët e minjve që shpërbëjnë nikotinën.
Në punimin e tyre të botuar në revistën Nature, grupi përshkruan se si i izoluan bakteret dhe pse gjetjet e tyre mund të zvogëlojnë incidencën e sëmundjes së mëlçisë yndyrore te njerëzit, shkruan Medical Xpress përcjell Gazeta Shneta.
Hulumtimet e mëparshme kanë treguar se pirja e duhanit është shkaku kryesor i vdekjeve të parandalueshme në mbarë botën.
Përveç lidhjes së tij me sëmundjet e mushkërive, pirja e duhanit është lidhur edhe me sëmundjen e mëlçisë yndyrore.
Në këtë përpjekje të re, studiuesit kanë zbuluar se një lloj i caktuar bakteresh shpërbëjnë nikotinën në zorrët e minjve, dhe në këtë mënyrë redukton gjasat e zhvillimit të sëmundjes së mëlçisë yndyrore.
Mes tjerash, është zbuluar se kur njerëzit pinë cigare, një pjesë e nikotinës hyn në zorrë, duke çuar në një rrezik të shtuar të sëmundjes së mëlçisë yndyrore, të shoqëruar në disa raste, me kancer të mëlçisë.
Në këtë punim të ri, studiuesit matën sasinë e nikotinës që kalon në zorrë duke krahasuar mostrat e jashtëqitjes së 30 njerëzve duhanpirës dhe 30 joduhanpirësve. Më pas ata bënë të njëjtën gjë me minjtë dhe gjetën se rezultatet ishin të ngjashme.
Hapi tjetër ishte sterilizimi i zorrëve të disa minjve laboratorikë dhe bënë përsëri eksperimentin e nikotinës.
Ata zbuluan se minjtë me zorrët e sterilizuara kishin më shumë nikotinë në sistemet e tyre, gjë që tregon se të paktën një lloj bakteri i zorrëve po shpërbënte nikotinën.
Më pas, me anë të procesit të eliminimit, ata ishin në gjendje të gjurmonin bakteret (Bacteroides xylanisolvens) që ishte përgjegjëse për ndarjen e cila po prodhonte një lloj enzime që shpërbënte nikotinën.
Hulumtimet e mëparshme kanë treguar se B xylanisolven gjithashtu jeton në zorrën e njeriut.
Hulumtuesit planifikojnë të studiojnë këto enzima për të zbuluar nëse ato mund të zhvillohen në mënyrë komerciale dhe t’u jepet duhanpirësve për të reduktuar shanset e tyre për të zhvilluar sëmundje të mëlçisë yndyrore dhe si rrjedhim, kancer të mëlçisë. /Gazeta Shneta/