Një bari i ri antitrupash për të ndihmuar në luftimin e infeksionit COVID-19 te njerëzit me imunitet të komprometuar mund të jetë i disponueshëm deri në fund të vitit.
AstraZeneca, ka njoftuar të enjten se trajtimi i tyre terapeutik i quajtur AZD3152, duket se funksionon në të gjitha variantet deri më sot, duke siguruar potencialisht armaturën e nevojshme për njerëzit me imunitet të kompromentuar, vaksinimet e të cilëve nuk u kanë dhënë atyre mbrojtje të mjaftueshme, raportoi CBS News përcjell Gazeta Shneta.
“Studimet in vitro treguan se bari AZD3152 neutralizon të gjitha variantet e COVID-19, duke përfshirë Arcturus, variantin më të fundit shqetësues,” u tha investitorëve, Mene Pangalos, nënkryetar ekzekutiv i kompanisë biofarmaceutike në AstraZeneca.
Rezultatet e provës SUPERNOVA për barin mund të dalin deri në shtator, dhe kjo mund të çojë në një autorizim përdorimi emergjent nga Administrata e Ushqimit dhe Barnave të SHBA-së (FDA), raportoi CBS News.
AstraZeneca kishte njoftuar më parë rezultate premtuese të testimit të hershëm laboratorik për barin.
Mund të jetë e dobishme në 2% të njerëzve, sistemi imunitar i të cilëve nuk po ofron rezistencë efektive pas vaksinimit, njofton kompania.
“Shpresojmë ta vëmë në dispozicion barin AZD3152 si një trajtim të ri profilaktik në gjysmën e dytë të këtij viti”, tha Pangalos. /Gazeta Shneta/