Remdesivir është një bari antiviral i zbuluar fillimisht si pjesë e një programi për të zhvilluar agjentë antiviralë me aktivitet kundër viruseve të reja.
Në muajt e parë të pandemisë COVID-19, ai u testua si një terapi e mundshme dhe u zbulua se zvogëlonte në mënyrë të matshme kohën e shërimit për pacientët e shtruar në spital për COVID-19, shkruan MedicalxPress përcjell Gazeta Shneta.
Administrata e Ushqimit dhe Barnave (FDA), miratoi përdorimin e barit në tetor 2020 dhe mbetet i vetmi antiviral i miratuar nga FDA për trajtimin e infeksionit SARS-CoV-2 në SHBA.
Aktualisht, Remdesivir duhet të administrohet intravenoz, një proces që kufizon përdorimin e tij për pacientët e shtruar në spital me raste relativisht të rënda ose të avancuara të COVID-19.
FDA ka miratuar përdorimin e Remdesivir vetëm për të rriturit dhe fëmijët e moshës 12 vjeç e lart.
“Megjithëse zhvillimi i vaksinave ka pasur një ndikim të madh në epidemi, COVID-19 ka vazhduar të përhapet dhe të shkaktojë sëmundje-veçanërisht në mesin e të pavaksinuarve,” tha bashkëautori i parë Dr. Robert T. Schooley, profesor i mjekësisë në Universitetin San Diego.
Nevoja për barnat efektive, të toleruara mirë, të cilat mund t’u jepen pacientëve me rrezik të lartë për sëmundjet e rënda në fazat e hershme mbetet e lartë.
“Një antiviral optimal për trajtimin e SARS-CoV-2 dhe potencialisht për infeksione të tjera virale në zhvillim, do të ishte po aq efektiv në çdo lloj qelize që mund të infektohet,” tha bashkëautori i parë Dr. Aaron F. Carlin.
Nevoja për të zhvilluar një bari anti-viral kundër COVID-19 ishtë bërë e dukshme qysh në fillim të pandemisë. Tanimë, studiuesit po rishikojnë mundësinë dhe kushtet e mundshme të barit Remdesivir të disponueshëm në formë orale. Sa do të jenë gjasat, kjo mbetet të shihet në ditët në vazhdim. /Gazeta Shneta/