Komisioni Evropian ka miratuar një vaksinë kundër lisë së majmunëve për përdorim, pasi Organizata Botërore e Shëndetësisë e shpalli linë e majmunëve një emergjencë shëndetësore globale.
“Komisioni Evropian ka zgjatur autorizimin e marketingut për vaksinën e lisë së kompanisë, Imvanex, për të përfshirë mbrojtjen nga lija e majmunëve” në përputhje me një rekomandim nga mbikëqyrësit e barnave të BE-së”, shkruan MedicalxPress transmeton Gazeta Shneta.
“Miratimi është i vlefshëm në të gjitha Shtetet Anëtare të Bashkimit Evropian, si dhe në Islandë, Lihtenshtajn dhe Norvegji.”
Të shtunën, OBSH shpalli shpërthimin e lisë së majmunëve, i cili ka prekur gati 16,000 njerëz në 72 vende, si një emergjencë globale shëndetësore – alarmi më i lartë që mund të ngritet.
Imvanex është miratuar në BE që nga viti 2013 për parandalimin e lisë.
Mes tjerash, kjo zgjidhje u konsiderua gjithashtu një vaksinë e mundshme për linë e majmunëve për shkak të ngjashmërisë midis virusit të lisë së majmunit dhe virusit të lisë së përgjithshme.
Simptomat e para të lisë së majmunit janë ethet, dhimbjet e kokës, dhimbjet e muskujve dhe dhimbjet e shpinës gjatë pesë ditëve.
Skuqjet shfaqen më pas në fytyrë, pëllëmbët e duarve dhe shputat e këmbëve, të ndjekura nga lezione, njolla dhe në fund zgjebe.
Një rritje e infeksioneve nga lija e majmunëve është raportuar që nga fillimi i majit jashtë vendeve të Afrikës Perëndimore dhe Qendrore, ku sëmundja ka qenë prej kohësh endemike. /Gazeta Shneta/