Në kryeqytet është shtuar edhe një qendër tjetër ku qytetarët e kësaj ane do të mund të testohen në momentin që kanë simptoma të coronavirusit.
Drejtori i Shëndetësisë, Izet Sadiku, ka njoftuar se testimet nga sot e tutje do të mund të bëhen edhe në Qendrën e Mjekësisë Familjare IV në rrugën “Xhemail Ibish” në kryeqytet.
Sipas njoftimit të drejtorit orari në këtë qendër do të jetë nga ora 8:00 deri në orën 15:00 gjatë pesë ditë të javëve, ndërsa testimet do të vazhdojnë edhe në AMF-në në Qendrën e Studentëve për çdo ditë të javës nga ora 8:00 deri në orën 16:00.
“Duke parë që ditëve të fundit është rritur numri i rasteve me COVID-19 që ka ndikur në rritjen e kërkesës për testim për COVID19. Javën e fundit kemi pasur 300-400 kërkesa për testim. Nga sot e kemi hapur edhe një qendër për testim në QMF IV në Xhemail Ibish”, ka shkruar drejtori në Facebook.
Sipas të dhënave të Ministrisë së Shëndetësisë, Prishtina është komuna me më së shumti raste aktive me coronavirus, 2 mijë e 138 sosh.
Nga të dhënat e fundit të ministrisë gjatë 24 orëve të fundit në nivel vendi ka vdekur një person me COVID-19 përderisa kanë rezultuar pozitivë 582 të tjerë. /Gazeta Shneta/
