Endokrinologia dhe ish-drejtoresha e Klinikës së Endokrinologjisë Prof. Venera Berisha-Muharremi, po merr pjesë në një trajnim të organizuar në Izrael nga Ministria e Punëve të Jashtme.
Muharremi-Berisha është pjesëmarrëse e trajnimit me temën “Menaxhimi i shërbimeve shëndetësore në kohë të krizave”.
“Jemi shumë të nderuar të jemi nikoqir i një grupi ndërkombëtar të profesionistëve të niveleve më të larta nga 13 shtete të ndryshme, të cilët do të jenë pjesëmarrës në trajnimin ‘Menaxhimi i shërbimeve shëndetësore në kohë të krizave’. Grupi do të vizitojë vendin për të mësuar praktikat më të mira të Izraelit në menaxhimin shëndetësor”, thuhet në njoftimin e organizatës MASHAV.
Kjo qendër e trajnimeve MASHAV është një nga tre qendrat e trajnimeve në kuadër të Ministrisë së Punëve të Jashtme të Izraelit. /Gazeta Shneta/