“Homecoming” është dokumentari më i ri në Netflix, i realizuar nga legjenda e muzikës pop, Beyonce, ku janë pasqyruar detajet e hollësishmë të këngëtares gjatë shtatzënisë me binjakët e fundit.
“Trupi im ka përballuar gjëra më shumë se sa kam menduar”, ka thënë ajo për lindjen e fundit të binjakëve Rumi dhe Sir, shtatzëni që sipas saj ishte një shok që nga fillimi e deri në fund, përcjellë GazetaShneta.
37 vjeçarja ka treguar se ishte ndjerë e cenuar kur ka kuptuar se kishte “preeclampsia”, një komplikim e cila ndodh gjatë shtatzanisë që karakterizohet me shtypje të lartë të gjakut dhe shenjat të dëmtimit të ndonjë sistem tjetër të organeve, zakonisht në veshka dhe mushkëri. Një gjendje e tillë është një kërcënim i vazhdueshëm si për nënë ashtu edhe foshnjen.
“Njërës nga foshnjet i janë ndalë të rrahurat e zemrës andaj është dashur që të bëj ndërhyrje të “seksionit C”, ka treguar historinë Beyonce.
Lindja i kishte shkuar me sukses por rrugëtimi i rehabilitimint të fizikut dhe shëndetit mendor ishin sfidat që po e prisnin.
E për një artiste e madhe siç është Beyonce, kur çdo sekond i jetës së saj i dedikohet lëvizjeve dhe koncerteve të panumërta, të përjetosh një gjendje të tillë, është tejet traumatike.
“Kisha ditë kur mendoja se asnjhëherë më nuk do të jem e njejta. Asnjëhera nuk do ta ndjej fuqinë dhe durimin tim”, ka rrëfyer këngëtarja.
E të bërit nënë ndryshon gjithçka në çfarëdo mënyre andaj edhe jetë e Beyonce-s pa dyshim se ka ndryshuar shumë.
“Ndjehem se kam hyrë në një kapitull krejtësisht të ri të jetës time dhe nuk po tentoj të rikthej asgjë na jeta ime e mëparshme. Është kaq e bukur të mendosh se fëmijët të sjellin këtë ndryshim”, është shprehur ndër të tjera ajo. /GazetaShneta/
Ky është trailer-i i këtij dokumentari; të plotë mund ta ndiqni në Netflix: