Policia kanadeze në Quebec është duke e kërkuar një burrë për të cilin dyshohet se e ka goditur në fytyrë një infermiere pasi kjo e fundit ia dha vaksinën kundër Covid-19 gruas së tij.
Siç raporton The Guardian, burri e ka sulmuar infermieren sepse ia ka dhënë vaksinën gruas pa pëlqimin e tij, transmeton Gazeta Shneta.
“I dyshuari ka hyrë direkt në zyrë duke i bërtitur infermieres e më pas e ka goditur në fytyrë”, ka deklaruar zëdhënësi i Policisë Martin Carrier.
Protestat kundër vaksinave në Kanada janë shtuar në prag të zgjedhjeve federale të cilat mbahen këtë javë. /Gazeta Shneta/