Nita Patel dhe Kizzmekia Corbett janë dy nga shkencëtaret të cilat ndihmuan në zhvillimin e vaksinave kundër Covid. Ekipi i Patel nuk udhëhiqet vetëm nga një grua, por pothuajse të gjitha janë gra. Sipas saj, gratë kanë një fuqi brenda vete dhe janë më këmbëngulëse në arritjen e qëllimeve.
Nita Patel, së bashku me shkencëtarët tjerë, po përpiqen të ndihmojnë në përfundimin e pandemisë Covid shkruan CBS News, transmeton Gazeta Shneta.
Mësoni më shumë rreth komplikimeve të shtatzënisë duke lexuar KËTU
Patel është një nga shkencëtaret kryesore të vaksinave në Novavax, kompani bioteknologjike në Maryland. Ekipi i saj nuk udhëhiqet vetëm nga një grua, mirëpo pothuajse të gjitha janë gra.
“Ato komunikojnë me njëra-tjetrën dhe shkojnë shumë mirë. Unë kurrë nuk kam parë ata të stresohen”, shtoi ajo.
Patel nuk është e vetmja.
Në Institutet Kombëtare të Shëndetit, edhe Kizzmekia Corbett ndihmoi në hartimin e vaksinës Moderna.
“Më thanë se isha një nga njerëzit e parë që hap një shishe të vaksinës”, tha Corbett.
Duke marr parasysh forcën e një gruaje, Patel ka një teori për këtë.
“Ne kemi një fuqi brenda nesh. Ne jemi shumë të orientuara drejt qëllimit, shumë këmbëngulëse në arritjen e këtij qëllimi”, u shpreh ajo.
Mes tjerash, ajo bëri të ditur se shkenca është një fushë e jashtëzakonshme për gratë.
“Nuk ka kufi. Është hapësirë e pakufizuar. Është shumë argëtuese sesa njerëzit mund të mendojnë.”
Para fillimit të pandemisë, numri i grave në shkencë dhe inxhinieri po rritje. Si rrjedhojë, në dekadat e fundit pësoi rritje në 36 për qind.
Por, një studim i fundi theksoi se gratë në terren nuk janë imune ndaj presioneve të pandemisë.
Në lidhje me këtë të fundit, Patel u shpreh se mbajtja e një ekuilibri punë-jetë gjatë pandemisë ka qenë e vështirë për një grua.
“Stresi dhe ekuilibri punë-jetë me të cilën gratë me të vërtetë u përballën shumë në këtë pandemi, ka bërë që të largohen nga puna”
Së fundmi, Patel mban shpresat se një brez i ri frymëzues do të hyj shumë shpejt në shkencë.
“Gratë shpesh nuk e dijnë, mirëpo ju keni një forcë të jashtëzakonshme brenda jush. Duhet vetëm momenti i duhur për të gjetur atë”.
“Unë mendoj se në shkencë, ju mund ta bëni këtë”, tha ajo./Gazeta Shneta/