Aktiviteti fizik pas një goditje në tru mund të jetë vendimtar për një rikuperim më të suksesshëm, sipas një studimi nga studiuesit suedezë.
Ata zbuluan se pacientët që e rritën dhe e mbajtën stërvitjen e tyre në gjashtë muajt pas goditjes në tru, funksiononin më mirë se ata që nuk bën një gjë të tillë, raporton Medical Xpress përcjell Gazeta Shneta.
“Njerëzit që kanë përjetuar një goditje në tru mund të kenë përfitime funksionale duke rritur aktivitetin fizik, pavarësisht nga ashpërsia e goditjes në tru,” tha studiuese kryesore Dr. Dongni Buvarp nga Instituti i Neuroshkencës dhe Fiziologjisë në Universitetin e Goteborgut.
Pacientët me aftësi normale mendore kishin më shumë gjasa të mbanin një regjim të qëndrueshëm ushtrimesh, pavarësisht nga ashpërsia e goditjes së trurit, zbuloi studimi.
Këto gjetje mund të nxisin mënyra për të synuar njerëzit, aktiviteti fizik i të cilëve bie pas një goditjeje në tru, tha Dr. Buvarp.
“Kjo do të lejonte një përmirësim të rezultatit funksional pas goditjes në tru,” tha ajo.
Të paktën katër orë në javë ushtrime të lehta janë ideale pas një goditje në tru, tha Dr. Buvarp.
Aktivitetet mund të përfshijnë ngasjen e një biçiklete ose ecje, kopshtari, peshkim, pingpong ose bowling, sugjeroi ajo.
“Angazhimi në aktivitet fizik mund të përmirësojë kapacitetin e trurit dhe trupit për të ndihmuar në rikuperimin pas goditjes”.
“Aktiviteti fizik promovon plasticitetin e trurit dhe gjithashtu përmirëson rikuperimin në nivel qelizor.”
Gjetjet u publikuan në internet më 1 maj në JAMA Network Open. /Gazeta Shneta/