Tokolitikët janë medikamente që përdoren për një periudhë të shkurtër për të shtyrë lindjen e parakohshme, duke ofruar kohë për ndërhyrje që përmirësojnë shanset për shëndetin e nënës dhe të foshnjës.
Këto medikamente ndihmojnë në zbutjen e kontraksioneve të mitrës, duke lejuar shtatëzëninë të vazhdojë edhe për disa ditë, zakonisht nga 2 deri në 7 ditë, shkruan burimi Very Well Health transmeton Gazeta Shneta.
Edhe një shtyrje e shkurtër, nga 48 orë deri në një javë, mund të jetë vendimtare për zhvillimin e mushkërive të foshnjës dhe përgatitjen për trajtime të tjera, si: kortikosteroidet për maturimin e mushkërive, sulfat magnezi për mbrojtjen e trurit të foshnjës, antibiotikët për streptokokun grupi B dhe monitorim të kujdesshëm maternofetal.
Ekzistojnë disa lloje tokolitikësh, duke përfshirë: agonistët beta-adrenergjikë, bllokuesit e kanaleve të kalciumit, sulfat magnezi, antagonistët e receptorëve të oksitocinës dhe inhibitorët e ciklooksigjenazës.
Zgjedhja e ilaçit varet nga gjendja shëndetësore e nënës, faza e shtatëzanisë dhe efektet anësore të mundshme.
Efektet anësore mund të përfshijnë rrahje zemre, presion të ulët të gjakut, marramendje, nauze, probleme të frymëmarrjes dhe rrallë komplikacione më serioze. Disa ilaçe, si oksitocina, kanë efekte më të buta.
Tokolitikët nuk rekomandohen në çdo rast, veçanërisht në rastet e vdekjes fetale, anomalive fatale, stresit fetal, preeklampsisë së rëndë, infeksioneve të membranave ose nëse ka kundërindikacione të veçanta tek nëna. /Gazeta Shneta/