Ato janë reaksione kronike ndaj ushqimeve që konsumohen më shpesh, të cilat duke u grumbulluar në organizëm provokojnë shqetësime që nuk shfaqen menjëherë (si në rastin e alergjisë), por mund të kenë distancë në kohë (deri në 72 orë më vonë).
Si pasojë e akumulimit të ushqimeve intolerante, organizmi nxit prodhimin e disa toksinave (citokina) të cilat ngacmojnë sistemin tonë imunitar në organet apo indet më sensitive.
Intoleranca dhe alergjia ushqimore janë shprehje të ndryshme të organizmit ndaj një alergjeni. Dallimi mes tyre:
- Përkufizohet alergji ushqimore një reaksion i ndërmjetësuar nga IgE që nis menjëherë ose disa minuta pas konsumit të ushqimit dhe shoqërohen me probleme me frymëmarrjen, nauze, të vjella, urtikarie deri në shok anafilaktik.
- Intoleranca ushqimore është një reaksion inflamator ndaj ushqimeve që konsumohen shpesh, të cilat duke u grumbulluar në organizëm provokojnë shqetësime që mund të shfaqen deri në 72 orë më vonë nga konsumi i ushqimeve.
Testi i intolerancës studion 51 produkte ushqimore / elementë kimikë dhe familjet e tyre ushqimore.
Ushqimet dhe elementet ushqimore që studiohen janë të renditura në tabelën e mëposhtme.
Për secilën prej këtyre produkte, studiohet dhe familja e tyre ushqimore, për të shmangur mundësisë e “cross-reaction” (reaksioneve te kryqezuara).
Nëse intoleranca nuk është trajtuar duke marrë parasysh fenomenin e reaksioneve të kryqëzuara, ekziston rreziku i mos detoksikimin të trupit dhe rrjedhimisht, e mos pasjes së rezultateve të pritshme.
Testi i intolerancës ushqimore kryhet nëpërmjet gjakut.
Metoda e përdorur për diagnostikimin e intolerancave ushqimore konsiston në hapjen e gjakut në lama specifike të cilat përmbajnë ekstrakte ushqimore dhe më pas shihet në mikroskop me metoda citologjike sesi qelizat e bardha dhe të kuqe të gjakut të pacientit reagojnë në kontakt me këto ekstrakte ushqimore.
INTOLERANCA USHQIMORE NE SUBJEKTE SIMPTOMATIKE DHE ASIMPTOMATIKE
Në subjekte asimptomatike, eliminimi i intolerancës çon në përmirësimin e prodhimit të energjisë dhe përmirësim të efikasitetit fizik dhe mental, si edhe përmirësimin e sistemit imunitar.
Në subjektet simptomatike eliminimi i intolerancës ushqimore kontribuon në përmirësimin apo zhdukjen e simptomave të mundshme me mundësine e rifitimit dhe riprezantimit të tolerancës prej ushqimit të përjashtuar përkohësisht nga dieta.
Simptomat që mund të lidhen me intolerancën ushqimore janë të ndryshme dhe mund të përfshijnë çdo sistemi organesh.
Në sistemin nervor qëndror: dhimbje koke përsëritëse, përqendrim i dobët, depresion, hiperaktivitet, lodhje e vazhdueshme.
Sistemit urogjenital: acarim vaginal, cystitis i përsëritur
Sistemi i frymëmarrjes: kongjestion nazal, sinusit, astmë, rinitit, otit
Lëkura: akne, psoriasis, ekzemë
Sistemi muskuloskeletal: krampe muskulare, dhimbje artikulare, mialgji
Sistemi i tretjes: nauze, fryrje, diarre, dhimbje stomaku
Të përgjithshme: obezitet, anoreksi, atake paniku, lodhje kronike
Ku konsiston parimi i trajtimit?
Hartohet një regjim ushqimor duke ruajtur kalorazhin ditor normal, por duke eleminuar ushqimet intolerante për një periudhë disa mujore në mënyrë që të mundësojmë zbrazjen e sasive të grumbulluara të këtyre produkteve nga organizmi ynë dhe humbjen e kujtesës së qelizave të bardha ndaj tyre.
Pas një periudhe mungese ushqimet riprezantohen në dietë duke shmangur marrjet ditore të ekzagjeruara që favorizojnë një akumulim të ri në organizëm.
Procedura e testimit:
Për të kryer analizën e intolerancës, tek Laboratori Cambridge, ju duhet të telefononi për një termin në numrin 038 776 757. Më pas ju merret gjaku dhe plotësohet formulari me të dhënat tuaja (anamneza). Përgjigja ju vjen për 3-4 ditë pune bashkë me regjimin ushqimor që duhet të ndiqni.