Urologu i Qendrës Klinike Universitare Liridon Selmani është gjendur në kujdestari sot kur po mbahet greva e organizuar nga Federata e Sindikatave të Shëndetësisë.
Selmani ka thënë se mjekët ndjehen keq kur detyrohen të mbajnë grevë dhe të kthejnë mbrapshtë pacientët në nevojë, transmeton Gazeta Shneta.
Urologu i cili ka qenë kandidat për asamblist në komunën e Prishtinës nga radhët e PDK-së, ka thënë se të gjitha qeveritë deri më tani janë treguar mosmirënjohëse ndaj stafit mjekësor.
Lexoni reagimin e tij të plotë:
24h kujdestar…
Tashme java e dyte qe te ejten Sindikata e Punonjesve Shendetesor po mban greven 8 oreshe me paralajmerimin e ashpersimit nese nuk ka reagim institucional per kerkesat qe jane parashtruar.
Stafi mjekesor ishte ne vine e pare te rrezikut gjate tere kohes se pandemise, edhe pse u cilesuan si ‘Heronj’ ne te vertete gjitha Qeverite qe ishin ne pushtet deri tani ndaj tyre treguan vetem mosmirenjohje.
Nuk ka mjek qe nuk ndjehet keq kur detyrohet te mbaje greve dhe te ktheje pacientet qe jane ne nevoje. Ata pa fajin e tyre po behen viktimat me te madha te kesaj situate te pakendshme.
Uroj qe udheheqesia e re, ne te cilen kemi mjaft shpresa, te reflektoje dhe Grevat e tilla te marrin fund.