Konsumimi i ushqimeve të pasura me kolinë, si vezët, mund të ndihmojë në ngadalësimin e plakjes së trurit dhe në mbështetjen e shëndetit të përgjithshëm mendor. Megjithatë, shumica e amerikanëve nuk marrin mjaftueshëm kolinë në dietën e tyre, dhe mungesa është më e theksuar tek gratë.
Një studim i botuar në “Aging and Disease”, zbuloi se personat me obezitet kishin nivele dukshëm më të ulëta koline në gjak krahasuar me ata me peshë normale.
Nivelet e ulëta u shoqëruan me rezistencë më të lartë ndaj insulinës, inflamacion dhe çrregullime të funksionit të mëlçisë – faktorë të njohur rreziku për sëmundjen e Alzheimerit, shkruan Very Well Health transmeton Gazeta Shneta.
Megjithatë, studimi ishte i vogël dhe vëzhgues, ndaj nuk provon shkakësi. Nevojiten kërkime më të gjera për të konfirmuar lidhjen mes kolinës dhe rrezikut për Alzheimer.
Kolína luan rol kyç në metabolizmin e yndyrnave, transportin e lipideve dhe sintezën e neurotransmetuesve, duke ndikuar rrjedhimisht në funksionin e trurit, zemrës dhe mëlçisë.
Sasia e rekomanduar ditore është 425 mg për gratë dhe 550 mg për burrat (më e lartë gjatë shtatzënisë dhe gjidhënies).
Përveç të verdhës së vezës, burime të mira janë mëlçia, perimet krucifere (brokoli, lulelakra), bishtajoret, kikirikët, mishi, peshku, bulmeti dhe makaronat.
Një dietë e balancuar dhe e larmishme mbetet mënyra më e mirë për të siguruar marrje të mjaftueshme dhe për të mbështetur shëndetin afatgjatë. /Gazeta Shneta/