Bebet më të vogla kanë më pak masë muskulore, prandaj ftohen më shpejt. Kur janë të ftohta, ato ndihen të parehatshme dhe zakonisht nuk flenë mirë. Gjithashtu, janë më të rrezikuara nga hipotermia. Nga ana tjetër, veshja e tepërt mund t’i mbinxehë.
Temperaturat e ulëta mund të dobësojnë sistemin imunitar, duke rritur rrezikun për infeksione të frymëmarrjes si ftohja, gripi apo pneumonia, e cila mund të jetë e rrezikshme, shkruan PregnancyBirthBaby.org.au transmeton Gazeta Shneta.
Për të kuptuar nëse beba është shumë e ftohtë apo shumë e ngrohtë, prekni barkun ose shpinën e saj, lëkura duhet të jetë e ngrohtë, por jo e nxehtë apo e ftohtë.
Duart dhe këmbët mund të jenë më të freskëta dhe kjo është normale. Shenjat e të ftohtit përfshijnë dridhje, frymëmarrje të ngadaltë dhe lëkurë të zbehtë e të ftohtë. Nëse është shumë e ngrohtë, lëkura bëhet e kuqe dhe bebja duket e parehatshme.
Është e sigurt ta nxirrni bebën jashtë në mot të ftohtë, për sa kohë është e veshur mirë dhe e mbrojtur nga era e shiu.
Zakonisht rekomandohet ta vishni me aq shtresa sa keni ju, plus një shtresë shtesë. Zgjidhni shtresa të lehta që hiqen lehtë dhe preferoni fibra natyrale si pambuku ose bambuja.
Gjatë gjumit, vendoseni bebën në shpinë, me kokën të zbuluar. Përdorni një thes gjumi të përshtatshëm dhe shmangni batanijet elektrike, jastëkët apo lodrat e buta në krevat. /Gazeta Shneta/