Mamia Razije Musa, vjen përsëri me këshillat e saj drejtuar nënave të reja.
Në rrjetin social, ajo tregoi rreth diferencës ideale që duhet pasur në mes fëmijëve, e cila do të ishte shumë më e veçantë nëse fëmijët do kalonin çdo stad jetësor së bashku shkruan GazetaShneta.
Postimi i saj:
CILA ËSHTË DIFERENCA IDEALE NË MOSHË MES FËMIJËVE ?
Shumë herë pyetem se cila duhet të jetë diferenca mes fëmijëve dhe unë në aspektin profesional nuk mund të ju përgjigjem ndryshe perveç se të ju them se një nanë duhet t’i japë kohë mjaftueshëm vetës sa për t’u rikuperuar nga lindja paraprake.
Nga ana tjetër, si grua dhe nanë, dua të ndaj me ju diçka personale. Unë jam nanë e tre fëmijëve, djali im i parë dhe vajza kanë diferencë prej tre vjetësh, ata si fëmijë ishin shokë të mirë, bashkëpunëtorë në sherre dhe fëmijë që e kanë shijuar lojën në maksimum.
Kalojnë 14 vjet prej lindjes së fëmijës së parë dhe 11 vjet prej lindjes së fëmijës së dytë kur në jetë vjen djali im i tretë i cili për këta dy të parët ishte një risi.
Duke u rritur djali i vogël e krijoj figurën e Babait për djalin e madh ndërsa figurën e motrës e shihte si një familjare tjetër të rritur, kështu e shihja se për shkak të diferencës së madhe ata nuk po arijnë të jenë shokë/shoqe por e kishin një raport tjetër të fortë të ndërtuar në respekt.
Ky ishte aspekti i raportit të fëmijëve të parë me fëmijën e tretë që kishin diferencë 14 dhe 11 vjet. Sa më përket mua dhe burrit tim ardhja e fëmijës së tretë në atë kohë ishte freskim i familjes por prapë po të mund të kthehesha në kohë fëmijën e tretë do t’a sjellja në jetë shumë më herët.
Tani unë nuk po ju udhëzoj si t’a planifikoni familjen, duke qenë se ju kam shumë për zemër e ndava me ju një copëz tregimi nga jeta ime.
Miqësisht po ju këshilloj që për ardhjen në jetë të një fëmije gjithmonë të shihni rrethanat e kur ato janë të favorshme mos leni diferencë të madhe mes fëmijëve, mundësojuni atyre të jetojnë fëmijërinë së bashku dhe të rriten duke qenë shokë/shoqe.
Në çdo rrethanë e në çdo kohë ardhja e një fëmije është bekim për familjen.
Me dashuri,
Razija./GazetaShneta/