Pyetja që ka të ngjarë kushdo që është vaksinuar kundër COVID-it është se: “A funksionoi vaksina?”.
Ndërsa vaksinat janë shumë të efektshme në parandalimin e sëmundjes SARS-CoV-2, ashtu si vetë virusi – nuk prekin të gjithë në të njëjtën mënyrë, duke lënë shumë prej nesh të pyesin për efektivitetin, shkruan Best Life përcjell Gazeta Shneta.
Por pavarësisht nëse keni pasur efekte anësore të forta të vaksinës ose jo, ekspertët kanë thënë se kushdo që ka marrë COVID duhet të dijë se është i mbrojtur nga virusi.
Sidoqoftë, sipas studimit të ri, rezulton se ata që marrin një bari të caktuar mund të mos kenë një përgjigje mjaft të fortë nga vaksina e tyre COVID.
Një studim i ri nga Universiteti i Nju Jorkut zbuloi se njerëzit që marrin metotreksat, një bari i zakonshëm anti-inflamator për çrregullimet autoimune, priren të prodhojnë më pak antitrupa pas vaksinës, një tregues kryesor i niveleve të imunitetit. (Vaksina funksionon duke shkaktuar prodhimin e antitrupave që më pas janë në gjendje të synojnë, çaktivizojnë dhe etiketojnë virusin për largimin nga organizmi).
Sipas studimit të 25 majit, i cili u botua në revistën mjekësore Annals of the Rheumatic Diseases, një në katër persona që marrin metotreksat kanë një përgjigje më të dobët imune ndaj vaksinës COVID.
Studimi posaçërisht vëzhgoi njerëzit që morën dy doza të vaksinës Pfizer të cilët po merrnin edhe metotreksat për të trajtuar çrregullime të zakonshme autoimune, përfshirë artritin reumatoid, artritin psoriatik dhe psoriazën.
Ndër të tjera, studiuesit zbuluan se 90 përqind e njerëzve që nuk ishin duke u trajtuar me këtë bari kishin përgjigje të forta të antitrupave. Nga ana tjetër, vetëm 62 përqind e njerëzve që marrin metotreksat – ishin në gjendje të jepnin një përgjigje adekuate.
Në përgjithësi, studiuesit e mëparshëm kanë zbuluar se përgjigjet e antitrupave nga vaksina COVID janë penguar nga barna të shumta të çrregullimeve autoimune. /Gazeta Shneta/