Vaksinat Covid, ulin në mënyrë dramatike mundësinë e një personi për tu prekur nga COVID-19, por është akoma e mundur të kapet virusi midis dozave dhe menjëherë pas vaksinës.
Këtu janë katër shenja që mund të keni kapur Covidin pas vaksinimit, shkruan Express.co.uk përcjell Gazeta Shneta.
Simptomat e koronavirusit pas vaksinës mund të jenë të ndryshme nga simptomat e zakonshme.
Një studim i ri nga shkencëtarët e monitorimit të Covid-19 në King’s College të Londrës hodhën në dritë mbi simptomat më të shpeshta të kësaj dukurie të pazakontë.
Ekipi shikoi të dhëna nga rreth 1.1 milion njerëz të cilët ishin vaksinuar midis dhjetorit të kaluar dhe mesit të majit.
Ata zbuluan se 2,278 të rritur testuan pozitivë pas vaksinimit. Shifra ra për ata që kishin marr dy dozat.
Studiuesit më pas shikuan simptomat që shkaktonin këto infeksione duke përdorur aplikacionin Covid Symptom Study.
Teshtima, gulçim, dhimbje veshi dhe gjëndra të fryra ishin ndër simptomat e para.
– Teshtima
Teshtitja ishte e vetmja simptomë që raportohej më shpesh tek njerëzit e vaksinuar që morën Covid-19 sesa ata që kishin rezultuar pozitivë por nuk kishin marr një vaksinë.
– Gulçim
Nëse ndiheni me frymëmarrje të çrregulltë pas marrjes së vaksinës mund të jetë e vlefshme të bëni një test Covid.
Sipas studiuesve, njerëzit e vaksinuar me COVID-19 raportuan nivele të ngjashme të gulçimit.
– Dhimbje veshi
Pacientët me Covid që nuk kishin marr vaksinën janë ankuar për tringëllimë në veshët, sipas studimit.
Tinitusi është emri për dëgjimin e zhurmave që nuk shkaktohen nga tingujt që vijnë nga bota e jashtme.
Simptomat e zakonshme përfshijnë një tingull të vazhdueshëm kumbues dhe dëgjim të mbytur.
Pra, gjithashtu ia vlen të jesh i vetëdijshëm për këtë nëse ke marr një dozë vaksine dhe ka filluar shfaqja e kësaj simptome.
– Gjëndrat e fryra
Një efekt anësor më pak i zakonshëm i vaksinës Covid është gjëndrat e ënjtura në sqetull ose qafë.
Këto zakonisht zhduken brenda disa ditësh, por ato gjithashtu mund të jenë një shenjë e një infeksioni Covid.
Për ata që kanë marr vaksinën, një në katër persona përjeton efekte anësore, duke përfshirë djersitje, të dridhura, lodhje dhe dhimbje.
Efektet anësore zakonisht arrijnë kulmin në 24 orët e para dhe mund të zgjasin një ose dy ditë. /Gazeta Shneta/