Një në katër pacientë me koronavirus në Mbretërinë e Bashkuar po humbin trajtimin me deksametazon që shpëton jetën.
Rreth 25 përqind e njerëzve që duhet të marrin deksametasone si një trajtim për Covid-19 nuk po u jepet ilaçi, sipas dokumenteve të lëshuara rishtas nga grupi shkencor i emergjencës të qeverisë së Mbretërisë së Bashkuar shkruan New Scienstist, përcjell Gazeta Shneta.
Studiuesit llogaritën se mosdhënia e trajtimit kishte çuar në 55 vdekje.
Deksametasone është një steroid dhe i vetmi ilaç i njohur që zvogëlon vdekjet nga koronavirusi.
Funksionon duke shtypur një reagim të tepërt të sistemit imunitar që mund të shkaktojë inflamacion të dëmshëm të mushkërive dhe organeve të tjera.
Në qershor, një hulumtim në Mbretërinë e Bashkuar tregoi se deksametasone zvogëlon shkallën e vdekjes së Covid-19 nga një e treta tek njerëzit që janë në ventilator dhe nga një e pesta në ata që marrin oksigjen shtesë me mjete të tjera.
Thuhet se një konsorcium i studiuesve në Mbretërinë e Bashkuar gjurmoi trajtimet e dhëna në pacientë të shtruar në spital me Covid-19 që nga ajo kohë.
Numri i pacientëve që morën steroide u rrit me kalimin e kohës. Por edhe në muajin gusht dhe shtator, ky bari nuk po u jepej të gjithë atyre që plotësonin kriteret – megjithëse është e paqartë pse. /Gazeta Shneta/