Hulumtimi i ri i botuar në muajin shkurt 2022 në Journal of the National Comprehensive Cancer Network (JNCCN), konfirmon se vaksinat më bazë ARNm për COVID-19 janë po aq të sigurta për njerëzit me kancer sa janë për individët pa kancer.
Studiuesit nga ‘Fox Chase Cancer Center’, gjurmuan efektet anësore afatshkurtra nga më shumë se 1753 marrës të vaksinës Pfizer/BioNTech dhe nuk gjetën reagime shtesë për pacientët që i nënshtroheshin trajtimit aktiv të kancerit (kirurgji, kimioterapi, imunoterapi ose terapi me rrezatim) ose prej atyre që kishin përfunduar trajtimin, shkruan MedicalxPres përcjell Gazeta Shneta.
Rezultatet vijnë nga anketat personale, telefonike dhe të dhëna për njerëzit që morën dy doza të vaksinës ARNm, me një distancë prej tre javësh, midis 16 shkurtit dhe 15 majit 2021.
Një total prej 1,183 njerëz me histori kanceri iu përgjigjën këtyre sondazheve, me 17.8% që i nënshtroheshin trajtimit në atë kohë. Të anketuarit përjetuan dhimbje në vendin e injektimit, dhimbje muskujsh, dhimbje kyçesh, ethe, të dridhura, dhimbje koke, të përziera dhe lodhje me ritme të ngjashme me ato të raportuara nga njerëzit pa kancer nga provat klinike origjinale.
Efektet negative për njerëzit që i nënshtrohen imunoterapisë gjithashtu pasqyruan ato në popullatën e përgjithshme.
“Pacientët, familjet dhe kujdestarët e tyre mjekësorë duhet t’i gjejnë këto rezultate absolutisht qetësuese. Ne anketuam pothuajse 2000 pacientë dhe zbuluam se pacientët me kancer nuk janë në rrezik për ndonjë reagim të papritur ndaj vaksinimit në krahasim me njerëzit pa kancer,” tha Dr. Eric M. Horwitz, studiues kryesor dhe kryetar i departamentit të onkologjisë së rrezatimit, në Universitetin Temple.
“Tani kemi të dhënat dhe përvojën klinike nga mijëra e mijëra pacientë me kancer që janë vaksinuar. Ne e dimë se vaksinat ARNm janë të sigurta dhe janë absolutisht mënyra më efektive për të parandaluar shtrimin në spital dhe vdekjen nga COVID-19.” /Gazeta Shneta/