Një studim klinik i publikuar më 13 gusht në Journal of the American Medical Association tregon se antibiotiku dalbavancin, i dhënë me dy doza intravenoze me diferencë shtatë ditësh, është po aq efektiv sa trajtimi ditor me antibiotikë standardë për infeksionet e gjakut të shkaktuara nga Staphylococcus aureus.
Hulumtimi, i financuar nga Instituti Kombëtar i Alergjisë dhe Sëmundjeve Infektive në SHBA, përfshiu 200 pacientë në SHBA dhe Kanada.
Rezultatet treguan se dalbavancina jo vetëm që ka efikasitet të ngjashëm, por është edhe më praktike për administrim, duke shmangur vendosjen afatgjatë të kateterit një procedurë që shpesh shoqërohet me mpiksje gjaku dhe infeksione shtesë, shkruan HealthDay transmeton Gazeta Shneta.
Efektet anësore serioze u shfaqën në nivele të ngjashme në të dy grupet, por ndërprerja e trajtimit për shkak të komplikimeve ndodhi më rrallë tek pacientët që morën dalbavancin (3%) krahasuar me ata me terapi standarde (12%).
Studiuesit planifikojnë të analizojnë edhe koston dhe përfitimin ekonomik të kësaj metode të re./Gazeta Shneta/