Pavarësishtë numrit rekord të rasteve me variantin e Omicronit, Danimarka sot u bë shteti i parë në BE që i hoqi të gjitha udhëzimet kundër virusit COVID.
Një gjë të tillë Danimarka e kishte bërë edhe para disa muajsh si një lloj testimi. Ku në periudhën shtator-nëntor të vitit të kaluar hoqi masat kufizuese ndaj koronavirusit.
Vendimi për hequr kufizimet bëhet pavarësisht se Danimarka po raporton 40,000 deri 50,000 infektime ditore, shifra që përbëjnë pothuajse 1 për qind të popullsisë prej 5.8 milionë banorësh.
Sipas të dhënave të publikuara deri tani klubet e natës do të rihapen pas disa muajsh dhe në ambientet e mbyllura nuk do të ketë më numër të kufizuar të njerëzve.
Ndërkaq siq bëhet e ditur kufizime do të ketë vetëm në kufijtë shtetërorë për udhëtarët e pavaksinuar që vijnë nga shtetet që nuk janë në Zonën Shengen.
E, sa i përketë popullsisë danezë, mbi 60% e tyre janë të vaksinuar me dozën e tretë, shifër kjo e cila është më e lartë krahasuar me mesataren e BE-së, që është me e vogël se 45%.
Për heqje të masave kufizuese, apo zvogëlimin e tyre tashmë kanë lajmëruar edhe shtete të tjera në të cilat numri i hospitalizimeve është më i ulët, krahasuar me valët e mëparshme të pandemisë.
Shtete si Franca, Irlanda dhe Mbretëria e Bashkuar të cilat kanë njoftuar për heqjen e kufizimeve apo lehtësimin e tyre, pavarësisht se këto shtete po regjistrojnë shifra të larta të rasteve të reja me sëmundjen COVID-19.