Një studim i publikuar në Frontiers in Physiology tregon se kombinimi i stërvitjes aerobike me dëgjimin e muzikës mund të përmirësojë ndjeshëm gjendjen emocionale të njerëzve.
Studimi përfshiu 140 pjesëmarrës të moshës 19‑30 vjeç, të cilët bënë 20 minuta ciklizëm aerobik duke dëgjuar muzikë në periudha të ndryshme: para, gjatë dhe pas stërvitjes, shkruan PMC, transmeton Gazeta Shneta.
Rezultatet treguan se dëgjimi i muzikës gjatë stërvitjes ndihmon më shumë për uljen e presionit të gjakut dhe reduktimin e emocioneve negative, krahasuar me dëgjimin para ose pas stërvitjes. Studiuesit argumentojnë se kjo qasje mund të përdoret si një mënyrë efektive dhe e këndshme për të mbajtur shëndetin fizik dhe emocional.
Ky studim nënvizon rëndësinë e integrimit të muzikës në rutinat e stërvitjes për të përmirësuar motivimin, mirëqenien emocionale dhe performancën gjatë ushtrimeve.