Muaji i Ramazanit agjërohet çdo vit nga besimtarët e fesë Islame të cilët abestezojnë nga ushqimi dhe pija për një periudhë të caktuar brenda ditës.
Këshilla nga Endokrinologia Dr. Shpresa Azemi-Shemsedini
Agjërimi mund të ndikojë në gjendjen shëndetësore, sidomos tek personat që vuajnë nga sëmundje kronike sikurse Diabeti.
Pacientët me tip 1 të sëmundjes të cilën ekskluzivisht trajtohen vetëm me insulinë e rekomandueshme është që të mos agjërojnë si dhe ata të cilët kanë komplikime serioze kronike, si ato kardiake dhe të veshkave, si dhe pacientët të cilët kanë episode të shpeshta të rënies së sheqerit në gjak ose rritjes së tij apo kanë komplikime akute të sëmundjes.
Përveçse nuk hahet ushqim (dhe nganjëherë nuk pihet), agjërimi është gjithashtu zakonisht një kohë lutjeje, reflektimi dhe pastrimi. Nëse e trajtoni diabetin tuaj me medikamente të caktuara si insulina, ekziston gjithashtu rreziku që nivelet e sheqerit në gjak pas agjërimit të ulen shumë. Kjo mund të çojë në një hipo ose nivele shumë të larta të sheqerit në gjak, gjë që mund të çojë në ketoacidozë diabetike (DKA), e cila do të kërkonte trajtim spitalor. Simptomat e DKA përfshijnë ndjenjën e etjes dhe daljen e urinës.
Sipas udhërrëfyesit të fundit (të vitit 2016) të IDF-DAR (Federatës Ndërkombëtare për Diabet dhe Aleancës Ndërkombëtare për Diabet dhe Ramazan) për agjërimin gjatë Ramazanit, të sëmurët me rrezik të lartë të cilët nuk duhet të agjërojnë në Ramazan hyjnë kjo kategori e të sëmurëve me diabet:
– gjendjet e hipoglikemisë së rëndë rreth3 muaj para Ramazanit
– ketoacidoza diabetike rreth 3 muaj para Ramazanit
– gjendja hiperosmolare hiperglikemike rreth 3 muaj para Ramazanit
– eksperiencë të hipoglikemive të shpeshta
– diabet tip 1 i pakontrolluar
– sëmundje akute
– shtatzënat me diabet tip 1 të diagnostikuar më herët ose diabet gestacional (i shtatzënisë) i trajtuar me insulinë ose preparate të sulfanilureve
– të sëmurët me pamjaftueshmëri kronike të veshkave në stadin e 4 dhe 5 ose të sëmurët në dializë
– komplikimet e avancuar makrovaskulare
– moshat e shtyra me shëndet jo të mirë