Një muaj më parë në media qarkulloi lajmi se modelja e njohur Diellza Kolgeci është në pritje të fëmijës së parë me partnerin 11 vite më të ri, Fisnik Rrugova.
Çifti organizoi pak ditë më parë një baby shower, ku zbuloi për të gjithë familjarët dhe miqtë që do të bëhen me një vajzë.
Mirëpo, ndonëse ata shumë shpejt pritet që të bëhen prindër shumë pak dihet për njohjen dhe lidhjen e tyre. Sipas ‘Panoram Plus’, burime pranë çiftit kanë treguar se Diellza dhe basketbollisti njihen prej shumë vitesh duke qenë se të dy jetojnë në Prishtinë, megjithatë lidhja e tyre e dashurisë ka nisur vetëm një vit më parë.
Po këto burime kanë treguar se dyshja është shumë e dashuruar me njëri-tjetrin dhe kjo ka qenë shtysa që ata të ndërtojnë një jetë të re së bashku, duke sjellë në jetë fëmijën e parë dhe duke krijuar kështu një familje.
Ndryshe, për Diellza Kolgecin kjo nuk është lidhja e parë me një basketbollist. Ajo vite më parë ishte në lidhje me ish-basketbollistin tjetër prishtinas, Edis Kuraja.
