Një studim i ri nga SHBA, i botuar në revistën Nature Medicine, tregon se ndjekja e një diete mesdhetare mund të ulë ndjeshëm rrezikun e zhvillimit të demencës, madje edhe tek personat që mbajnë variantin gjenetik APOE4 – i cili lidhet me një rrezik shumë më të lartë për sëmundjen e Alzheimerit.
Studimi analizoi të dhënat e mbi 5,700 personave përgjatë 30 viteve dhe gjeti se ata që hanin më shumë perime, fruta, arra dhe drithëra, dhe më pak mish të përpunuar, kishin rënie më të ngadaltë të funksioneve mendore.
Efekti mbrojtës ishte më i fortë tek personat me dy kopje të variantit APOE4, të cilët janë deri në 12 herë më të rrezikuar nga Alzheimeri.
Studiuesit theksojnë se ushqimi i shëndetshëm mund të jetë një strategji e rëndësishme për të zvogëluar rrezikun e demencës, veçanërisht tek ata me predispozitë gjenetike.