Klinika e Neurokirurgjisë ia ka marr sallën e operacionit Klinikës së Kirurgjisë Plastike, duke e lënë kështu këtë të fundit pa sallë.
Stafi mjekësor i Plastikës vazhdimisht ka qenë në presion nga menaxhmenti i Neurokirurgjisë. Kjo për shkak se pacientët e kirurgjisë plastike është dashur të kalojnë nëpër klinikën e Neuro-së, për të hyrë në sallën e operacionit, shkruan Gazeta Shneta.
Stafi i kësaj klinike në mënyrë anonime janë ankuar se menaxhmenti i Neurokirugjisë shpesh ua ka mbyllur dyert duke i detyruar pacientët që të dalin jashtë për të shkuar në sallë nga hyrja kryesore e kirurgjisë. Kjo është bërë me arsyetimin se kalimi i pacientëve mund të shkaktojë infeksione.
Drejtoria e SHSKUK-së ka deklaruar se në këto njësi është duke u kryer një projekt për zgjerimin e sallave të operacionit. Zyrtarët thonë se Klinika e Neurokirurgjisë që disa vite ka kërkuar t’i ketë dy salla.
“Ju informojmë se Shërbimi Spitalor dhe Klinik Universitar i Kosovës, ka filluar të punoj në zbatimin e projektit për zgjerimin e sallave të operacionit në klinikat kirurgjike. Sa i përket kirurgjisë plastike është duke u punuar për dy salla të reja operative, punimet janë në zhvillim e sipër, përderisa derisa jenë gati këto dy salla, kirurgjia plastike po punon raste në sallën e kirurgjisë maskilofaciale”.
“Poashtu, po punohet që neurokirurgjia ta ketë sallën e dytë operative që ka qenë kërkesë për vjet të tëra nga kjo klinikë. Pra po zgjerohen sallat për tu rritur vëllimi i punës në degët kirurgjike”, thuhet në përgjigjen e SHSKUK-së. /Gazeta Shneta/