Specializanti i Kirurgjisë Torakale nga Mitrovica, Selman Ajvazi, po qëndron në Slloveni për një specializim të veçantë në Klinikën Universitare të këtij shteti, ku theksi i këtij trajnimi janë ndërhyrjet kirurgjike në gjoks me metoda bashkëkohore minimale invazive – VATS.
Dr.Selmani, përveç ngritjes së njohurive, ka marrë pjesë në një operacion mjaft të rrallë dhe shumë specifik, si operatori i dytë në transplantin e mushkërive në Klinikën Universitare të Lubjanës në Slloveni, shkruan “Jepi Zë”.
Ajvazi ka treguar për “Jepi Zë” se me avion privat janë dërguar nga Sllovenia në Gjermani për të marrë mushkëritë nga një pacient në shtetin gjerman, gjithmonë në përputhje me rregulloren e Eurotransplant Association.
Pas këtij intervenimi në Gjermani, ai së bashku me ekipin mjekësor janë rikthyer në Slloveni, ku kanë kryer transplantin tek një grua 30-vjeçare.
Dr. Selmani bëhet ndër mjekët e pakët që ka Kosova dhe që merr pjesë në një transplant kaq të ndërlikuar, e që përfundoi me sukses./Jepi Zë/