Dr. Bujar Gjikolli zgjidhet drejtor i Klinikës së Radiologjisë në QKUK

2018-07-27 në ora 14:45

Ka përfunduar procesi i konkursit për drejtor të Klinikës së Radiologjisë në QKUK. Në krye të kësaj klinike është përzgjedhur Dr. Bujar Gjikolli.

Komisioni e ka vlerësuar Gjikollin me 375 pikë gjithsej, derisa në test kishte dal i pari me 87 sosh. Ai ka fituar këtë pozitë kundrejt konkurrencës së tre kandidatëve tjerë, shkruan Gazeta Shneta.

“Jam i nderuar me respektin dhe privilegjin ti shërbej edhe më shumë populit e institucioneve të Kosovës. Falemnderit të gjithëve për përkrahjen”, ka shkruar Gjikolli në një postim në Facebook.

Gjithsesi, pas intervistës me gojë, Dr. Serbeze Kabashi ka dal në vendin e dytë me 360 pikë. Kabashi e ka udhëhequr klinikën deri më sot.

Dr. Arben Kutllovci është vlerësuar me 355 pikë dhe Gani Morina me 338. Gazeta do t’ju mbaj të informuar edhe për përzgjedhjen e kandidatëve në klinikat tjera. /Gazeta Shneta/