Dy drejtorë të klinikave në QKUK i janë nënshtruar testit për Covid-19 pas dyshimeve për infektim për shkak të kontaktit.
Dr. Venera Berisha-Muharremi, drejtoreshë e Klinikës së Endokrinologjisë dhe Dr. Shemsi Veseli, drejtor në Klinikën e Biokimisë, në testin e parë para dy ditësh kanë rezultuar pozitiv në Covid-19, shkruan Gazeta Shneta.
Por në testin e dytë, ata kanë rezultuar negativ. Testin e ka përsëritur sot Dr. Venera e cila ka deklaruar për Gazetën se rezultati i dytë i ka dalë negativ por ka thënë se do të qëndrojë e izoluar dhe do t’i nënshtrohet edhe një testi të tretë.
Ndërkaq Veseli mbrëmë ka bërë të ditur për Gazetën se testi i parë ishte ‘suspekt’ që në mjekësi njihet si pozitiv, por në testin e dytë rezultoi plotësisht negativ.
Instituti Kombëtar i Shëndetit Publik deri më tani nuk ka dhënë asnjë sqarim pse po ndodh që disa persona të diagnostikohen pozitiv ose negativ, e më pas rezultati në testet e përsëritura të dal i kundërt. /Gazeta Shneta/