Nëse jeni prindër, atëherë mund të thuhet lirshëm se ju bëni gjithçka për ta mbajtur fëmijën tuaj sa më të shëndetshëm që është e mundur.
Megjithatë, ekziston një rrezik i caktuar që mund të fshihet në njërën nga gjerat që ata e përdorin më së shumti: në biberonët e tyre, transmeton Express.
Raportohet se biberonët mund të jenë rrezikshme për shëndetin e fëmijëve.
Një nënë e quajtur Jessica Rushton ka treguar se si vajza e saj është ankuar vazhdimisht për erë të keqe të biberonit, edhe pse ajo ia kishte pastruar rregullisht atë.
“Sa herë që pinte nga njëri prej biberonëve, ajo më thoshte ‘nënë është e pështirë’. Biberonët dhe valvulet e tyre i pastroj pas çdo përdorimi, si dhe i përvëloj çdo dy ditë në mënyrë që të sigurohem se pastrohen nga mikrobet e mundshme,” ka thënë ajo.
Por, edhe pse kjo nënë e kishte bërë punën e vet shumë mirë, vajza e saj nuk kishte ndalur së ankuari. Pas kësaj, Rushton ishte bërë kureshtare dhe e kishte përdorur një thikë për ta hapur njërën nga valvulet.
Ajo kishte gjetur një shtresë të trashë të mykut të padukshme në biberonin e vajës. 