Sëmundja e mëngjesit nuk do të ndikojë tek fëmija për aq kohë sa ju jeni në gjendje të mbani ushqim dhe lëngje në stomakun tuaj.
Në fakt, kjo është një shenjë e mirë, që placenta po zhvillohet mirë dhe se hormonet tuaja të shtatzënisë po punojnë mjaft mirë.
Studimet sugjerojnë se gratë që përjetojnë sëmundjen e mëngjesit mund të kenë më pak gjasa që të kenë një dështim të shtatzënisë, transmeton Gazeta Shneta.
Por, sërish, ju duhet të keni kujdes që të hani lloj lloj ushqimesh, në mënyrë që bebes suaj të mos i mungojë asgjë nga proteinat.
Një lëndë e rëndësishme në tremujorin e parë është acidi folik. Merrni një shtesë të përditshme rreth 400 mikrogramë të këtij acidi, që do të ndihmojë në shpinë dhe sistemin nervor të bebes suaj.
Nëse keni shpesh të vjella, dhe nuk jeni në gjendje as të hani as të pini për shkak të përzierjes së vazhdueshme, atëherë thërrisni menjëherë mjekun tuaj.
Nëse trajtimet në shtëpi nuk bëjnë punë, atëherë gjatë kësaj periudhe mund të shtriheni në spital./Gazeta Shneta/