Një ekspert i shëndetit mendor paralajmëron se përdorimi i vazhdueshëm i pajisjeve digjitale po ndikon në funksionet tona njohëse, duke çuar në atë që e quan “tru kokoshkë.”
Termi i përdorur nga psikologët përshkruan efektin që koha e gjatë para ekranit dhe përdorimi i mediave sociale kanë mbi trurin tonë, duke krijuar një ndjesi të aktivitetit të vrullshëm të ngjashëm me shpërthimin e kokoshkave.
Dr. Aditi Nerurkar, një mjeke nga Harvard dhe eksperte në shëndetin mendor, në një intervistë shpjegoi se ky fenomen është rezultat i një mbingarkese informacionesh që truri ynë merr gjatë gjithë kohës nga pajisjet tona.
Ajo përmendi se është e zakonshme të ndihesh i hutuar dhe i pavëmendshëm për shkak të ekspozimit të vazhdueshëm ndaj lajmeve dhe përmbajtjeve në internet, veçanërisht në momente stresi.
Sipas saj, për të parandaluar ndikimin negativ të kësaj sjelljeje, duhet të vendosim “kufij digjitalë” – një marrëdhënie e qëndrueshme dhe e kontrolluar me pajisjet tona, ashtu siç vendosim kufij në marrëdhëniet e tjera në jetën tonë.
Dr. Nerurkar theksoi rëndësinë e ndërprerjes së vazhdueshme nga ekrani dhe angazhimin në aktivitetet e jetës reale për të mbajtur trurin të shëndetshëm dhe të freskët./Gazeta Shneta/