Ekranet elektronike janë pjesë e përditshme e jetës së shumë familjeve, por një studim i ri sugjeron se përdorimi i tepruar i tyre në moshët e hershme mund të ngadalësojë zhvillimin e gjuhës te fëmijët.
Psikologia Sarah Kucker nga “Southern Methodist University”, në Dallas shpjegon se fëmijët mësojnë më mirë kur mund të prekin, eksplorojnë dhe luajnë me objekte reale, shkruan burimi Health Day transmeton Gazeta Shneta.
Për shembull, kur mësojnë fjalën “banane”, fëmijët përfitojnë nga prekja e teksturës, shikimi nga të gjitha këndet dhe nuhatja e saj.
Një imazh ose video e shpejtë nuk jep të njëjtën informacion dhe nuk stimulon lidhjet e rëndësishme trunore që formohen në vitet e para të jetës.
Megjithatë, jo të gjitha mediat digjitale janë të dëmshme. Disa mund të mbështesin mësimin, sidomos kur përdoren në mënyrë sociale.
Kucker jep disa këshilla praktike për prindërit:
– Përdorni ekranet në mënyrë sociale. Video-thirrjet me familjarë dhe lojërat për dy persona ndihmojnë zhvillimin e bisedave dhe bashkëpunimit.
– Zgjidhni media interaktive. Aplikacionet ose videot që kërkojnë përgjigje ose ndërveprim japin më shumë mësim sesa ato ku fëmija vetëm shikon.
– Balanconi ekranet me biseda reale. Tregoni fjalë dhe histori gjatë aktiviteteve të përditshme, si gatimi apo pastrimi, për të mbështetur zhvillimin e gjuhës.
Përdorimi i kujdesshëm i ekranit mund të ndihmojë fëmijët të mësojnë, ndërsa eksperimentimi i drejtpërdrejtë me botën reale mbetet thelbësor për zhvillimin e tyre të hershëm. /Gazeta Shneta/