Kur flasim për emocionet, flasim për një gjendje të vetëdijshme të pjesës sonë, e cila transmeton gjendjen tonë aktuale sesi ndihemi ne në një situatë të caktuar. Por, a e dini sesi ta trajtojmë këtë çështje edhe tek fëmijët?
Është mosha 3 vjeçare kur fëmijët fillojnë të shprehin ndjenjat dhe emocionet e tyre. E shpesh, kur ata përballen me emocione negative, ata e kanë të vështirë të përdorin teknika të tjera të menaxhimit përvec goditjes, kafshimit apo edhe lëndimit shkruan Raising Children, transmeton Gazeta Shneta.
Por, si mund të reagojmë ne në raste të tilla?
-Observoni dhe identifikoni emocionin
Fëmijët shprehin emocionet e tyre qoftë përmes gjuhës së trupit apo shprehjes së fytyrës. Si një prind apo edukator është mirë që të identifikoni emocionin me të cilën fëmija është duke u përballur. (shembull, në rast se ju i kërkoni fëmijës suaj të fikë televizionin, ai mund të shtrihet në dysheme dhe të qaj, gjë për të cilën ai është duke u ndje i zemëruar.)
-Bëni lidhjen mes emërtimit dhe emocionit
Në hapin e dytë, bëni lidhjen mes emërtimit dhe emocionit. Fëmija juaj ka nevojë që të dijë se cfarë po ndodh brenda tij (shembull: unë po e shoh se ti je i zemëruar për shkak se po e ndalim TV)
-Pauzoni dhe mos flisni
Pas diskutimit mundohuni të qëndroni të qetë dhe mos flisni. Fëmija juaj ka nevojë t’i procesojë udhëzimet që i ka marrë nga ju.
-Mbështeteni fëmijën tuaj gjatë kohës kur ai është duke u qetësuar
Në situata të ndryshme, fëmija mund të shqetësohet më shumë. Andaj, qëndroni të qetë, dhe sigurohuni që fëmija është në një vend të sigurt. Ndoshta mund t’ju marrë më shumë kohë për të kaluar një situatë të tillë, por jini të durueshëm. Kjo i ndihmon edhe fëmijës suaj. /Gazeta Shneta/