Shkruan: Dr Drita Kabashi për Gazeta Shneta
Të gjitha nënat përjetojnë humbjen e flokëve, megjithatë disa nga to humbin flokë më shumë se tjerat. Arsyeja pse ndodh kjo është sepse gjatë shtatzënisë, nivelet e hormoneve bëjnë që flokët tuaj të qëndrojnë në një fazë pushimi për më gjatë, kështu që ju humbni më pak flokë në baza ditore.
Gjithashtu, mund ta vëni re se flokët tuaja do duken më të trasha se zakonisht. Ka pak gjëra që mund të bëni për rënien e flokëve, përveç pjesës së durimit.
Rënia tenton të jetë më e dukshme kur shamponi ose lani flokët, kështu që preferohet t’i shamponi më rrallë flokët dhe t’i leni të thahen natyralisht. Sapo të ketë përfunduar faza, do të vëreni flokët e rinj që do dalin në kokën tuaj.
Brenda gjashtë muajsh, flokët tuaja duhet të rikthehen në trashësinë normale të shtatzënisë, por mund ta vëreni se struktura e flokëve tuaja nuk është më e njëjte.
Flokët mund të jenë më të dredhura apo të drejta, ose më të thata e më të yndyrshme se sa që ishin para shtatzënisë. Kjo ndodh për shkak të trazirave hormonale nëpër të cilat keni kaluar.
Nëse humbja e flokëve nuk fillon të ngadalësohet dhe humbni shumë flokë gjashtë muaj pas lindjes, kontrollohuni te dermatologu.
Kjo mund të jetë një shenjë që tregon se keni sasi të ulëta të hekurit në trup, e cila nuk është krejtësisht e pazakontë për nënat e reja.
