Çështja e zgjatjes jo vetëm të jetës së njeriut, por edhe e periudhës së tij të shëndetit, është temë e një numri gjithnjë në rritje të studimeve.
Disa nga hulumtimet më të fundit e cilësojnë dietën ushqyese si një faktor kyç për një jetë të gjatë dhe të shëndetshme shkruan burimi Medical News Today përcjell Gazeta Shneta.
Një studim sugjeron se dietat e pashëndetshme përshpejtojnë plakjen biologjike, ndërsa konsumimi i ushqimeve të shëndetshme mund ta ngadalësojë atë.
Studime të tjera shtojnë prova mbi ndikimin e ushtrimeve fizike, si individualisht ashtu edhe në kombinim me disa suplemente ushqimore, në ngadalësimin e procesit të plakjes dhe zgjatjen e jetëgjatësisë.
Një tjetër studim thekson rëndësinë e një molekule të sintetizuar nga vitamina B3 në proceset e plakjes në nivel qelizor.
Me kalimin e viteve, hulumtimet kanë treguar një sërë ndryshimesh në stilin e jetesës që mund të na ndihmojnë të jetojmë më gjatë, më shëndetshëm dhe më të lumtur.
Së fundmi, dy faktorë vazhdojnë të shfaqen si kyç për ngadalësimin e proceseve të plakjes biologjike dhe ruajtjen e shëndetit ndërsa plakemi si: dieta ushqyese dhe aktiviteti fizik. /Gazeta Shneta/