Farmacistët po marrin një rol më aktiv në përshkrimin e kontraceptivëve hormonalë – një trend i duartrokitur nga gratë që mirëpresin aksesin më të lehtë në këto barna.
“Farmacistët janë një burim i pashfrytëzuar dhe thelbësor për kaq shumë amerikanë, veçanërisht për njerëzit që jetojnë larg ofruesve të tjerë të kujdesit shëndetësor ose kanë akses të kufizuar për arsye të tjera,” tha Tom Kraus, Zëvendës Presidenti i Shoqërisë Amerikane për Shëndetin- Sistemi i Farmacistëve (ASHP) për marrëdhëniet me qeverinë.
Një analizë kombëtare e informacionit të disponueshëm, zbuloi një prirje në rritje drejt shteteve që lejojnë farmacistët të përshkruajnë kontraceptivë, me 20 shtete që kanë ligje ose urdhra të përhershëm që lejojnë farmacistët të përshkruajnë kontraceptivët hormonal të vetë-administruar, shkruan Medical Xpress përcjell Gazeta Shneta.
“Farmacistët kanë marrë më shumë përgjegjësi në ofrimin e kujdesit shëndetësor vitet e fundit për shkak të pandemisë COVID-19,” tha Soumya Jairam, kandidate e farmacisë për doktoratë në Universitetin Rutgers.
“Sfera e praktikës sonë po zgjerohet dhe është e rëndësishme të jemi të vetëdijshëm se si duken rregullat në shtetet e tjera.” /Gazeta Shneta/