Cilësia e dobët e gjumit shoqërohet me një prevalencë të shtuar të simptomave të traktit urinar të poshtëm (LUTS)/hiperplazisë beninje të prostatës (BPH), sipas një studimi të publikuar më 24 tetor në ‘Frontiers in Aging Neuroscience’.
Yifan Li, nga Spitali i Kinës Perëndimore të Universitetit Sichuan në Chengdu, dhe kolegët vlerësuan lidhjen midis çrregullimeve të gjumit dhe simptomave të traktit urinar të poshtëm/hiperplazisë beninje të prostatës tek meshkujt kinezë.
Analiza përfshinte 11,824 të anketuar, shkruan Medical Xpress përcjell Gazeta Shneta.
Sipas kësaj analize, studiesit kanë thënë se:
“Gjetjet tona sugjeruan se çrregullimet e gjumit lidhen me një prevalencë të shtuar të simptomave të traktit urinar të poshtëm/ hiperplazisë beninje të prostatës.
Për më tepër, ndërveprimi i rëndësishëm midis moshës dhe çrregullimeve të gjumit tregoi se njerëzit e moshuar kanë më shumë gjasa të zhvillojnë simptoma të traktit urinar të poshtëm / hiperplazisë beninje të prostatës për shkak të çrregullimeve të gjumit”, shkruajnë autorët.
“Studimi ynë ofron mbështetje të të dhënave për propozimin e mundshëm të ardhshëm për të parandaluar simptomat të traktit urinar të poshtëm / hiperplazisë beninje të prostatës duke përmirësuar çrregullimet e gjumit. Mekanizmat e tyre potencialë biologjikë duhet të studiohen më tej.” /Gazeta Shneta/