Një studim i ri tregon se konsumimi i shpeshtë i ushqimeve të përgatitura jashtë shtëpisë (fast food) mund të lidhet me inflamacion sistemik, një faktor kryesor i sëmundjeve kardiovaskulare. Analiza përfshiu të dhëna nga mbi 8,500 pjesëmarrës në SHBA, mbledhur gjatë një dekade përmes “Anketës Kombëtare të Shëndetit dhe Ushqyerjes”.
Pjesëmarrësit raportuan zakonet e tyre ushqimore dhe u nënshtruan vlerësimeve të shëndetit kardiometabolik, përfshirë testime gjaku, shkruan burimi Very Well Health transmeton Gazeta Shneta.
Studiuesit përdorën Indeksin Dietik të Inflamacionit për të matur shkallën e inflamacionit të lidhur me ushqimin. Rezultatet treguan disa pika kryesore:
Konsumimi më i madh i fast food-it lidhet me rezultate më të larta të indeksit të inflamacionit, dhe vlera më e lartë e këtij indeksi është gjithashtu e lidhur me rritje të mortalitetit.
Pjesëmarrësit që hanin më shumë ushqim të përgatitur jashtë shtëpisë kishin profil më të pafavorshëm kardiometabolik, duke përfshirë nivele më të ulëta të kolesterolit të mirë dhe nivele më të larta të triglicerideve, glukozës në gjak, insulinës dhe rezistencës ndaj insulinës.
Një tendencë për rritje të mortalitetit u vërejt tek konsumuesit e ushqimeve të shpejta, megjithëse nuk u gjet një lidhje statistikisht e rëndësishme mes konsumit të ushqimit të shpejtë dhe vdekshmërisë nga të gjitha shkaqet apo sëmundjet e zemrës vetëm nga vetë ushqimi.
Ekspertët nënvizojnë se zvogëlimi i konsumit të ushqimit të shpejta (fast food) dhe përgatitja e vakteve të shëndetshme në shtëpi mund të ndihmojë në menaxhimin e këtyre rreziqeve, edhe në një stil jete të ngarkuar dhe të shpejtë. /Gazeta Shneta/