Nëse jeni ekspozuar ndaj COVID-19, bëni tre teste në shtëpi në vend të dy për t’u siguruar që nuk jeni të infektuar, sipas rekomandimeve të reja amerikane të publikuara – të enjten.
Më parë, Administrata e Ushqimit dhe Barnave (FDA), kishte këshilluar marrjen e dy testeve të shpejta të antigjenit gjatë dy ose tre ditëve për të përjashtuar infeksionin, transmeton Gazeta Shneta.
Por agjencia thotë se studimet e reja sugjerojnë se protokolli mund të humbasë shumë infeksione dhe mund të rezultojë në përhapjen e koronavirusit tek të tjerët, veçanërisht nëse individët e infektuar nuk shfaqin simptoma.
Udhëzimi i ri zbatohet për njerëzit pa simptoma që mendojnë se mund të jenë ekspozuar ndaj virusit.
Njerëzit me simptoma mund të vazhdojnë të përdorin dy teste me një distancë prej 48 orësh.
Përditësimi i së enjtes pasqyron të kuptuarit në zhvillim të saktësisë së testeve të antigjenit, të cilat janë më pak të ndjeshme se testet laboratorike, por janë bërë qasja standarde e testimit për shkak të shpejtësisë dhe komoditetit të tyre. /Gazeta Shneta/