Drejtori i Klinikës së Kirurgjisë Abdominale Dr. Enver Fekaj është shprehur i pakënaqur me numrin e operacioneve të kirurgëve.
Në një përgjigje për Gazetën Shneta, pas publikimit të listës së kirurgëve dhe numrin e operacioneve të tyre, drejtori i Kirurgjisë Abdominale Enver Fekaj është shprehur i pakënaqur me këto shifra.
Ai ka thënë se dallimi i kirurgëve në numrin e operacioneve të kryera është një defekt menaxherial.
“Padyshim qe nuk jam i kënaqur me këtë diskrepancë në numra, sepse kjo reflekton defekte menaxheriale”, ka thënë ai.
Fekaj ka deklaruar se si drejtor i klinikës planifikon që të bëj distribuimin e operacioneve në mënyrë homogjene që të mos ketë më kirurg me numër të madh e disa me numër të vogël të intervenimeve.
“Plani menaxherial qe do t’a implementoj perfshine edhe nje distribuim homogjen te numrit te operacioneve per kirurget. Zbatimi i nje plani te tille bazohet ne bashkepunim te ngushte mes Drejtorit dhe shefave te njesive te Klinikes sone. Padyshim qe ne vazhdimesi, ne baza mujore, do te behet evaluimi I zbatimit te distribuimit sa me homogjen te numrit te operacioneve per secilin kirurg, ne menyre qe te mos kete diskrepance te tille ne numra. Perfundimisht, mendoj qe nje dukuri e tille, ne diference sinjifikante numrash, eshte defekt menaxherial”, ka deklaruar Fekaj.
Gazeta dje ka raportuar për shifrat e kirurgëve nga janari deri në nëntor të këtij viti. Sipas listës së përpiluar nga drejtori Enver Fekaj, disa kirurg kanë kryer mbi 90-100 operacione ndërsa disa të tjerë me shifra shumë të ulta. /Gazeta Shneta/
Numri i operacioneve të kirurgëve në QKUK, dikush 99 e dikush vetëm nëntë