Kirurgët e Klinikës së Kirurgjisë Abdominale në Qendrën Klinike Universitare kanë performancë të ndryshme gjatë këtij viti.
Gazeta Shneta ka siguruar qasje në dokumentet zyrtare të performancës së kirurgëve të Klinikës së Kirurgjisë për vitin 2022 nga janari deri në nëntor. Dikush ka kryer mbi 99 e mbi 100 operacione, e dikush vetëm nëntë sosh.
Sipas dokumentit të përpiluar nga drejtori i Klinikës Dr. Enver Fekaj, disa kirurgë kanë kryer shumë interevenime e disa të tjerë më pak. Madje me më së paku operacione është kirurgu Floren Kavaja me vetëm nëntë sosh.
Me vetëm një operacion më shumë sesa Kavaja, është Faton Hoxha me 10 intervenime. Shemsedin Hashani është i treti me më pak operacione, 14 sosh, ndërsa me nga 15 operacione janë Skender Zatriqi dhe Ilir Kafexholli.
Më së shumti operacione në vitin 2022 ka kryer kirurgu Arsim Çerkinaj. Në performancën e bërë nga Fekaj, Çerkinaj ka shifrën 114 sosh derisa vetëm dy operacione më pak i ka ish-drejtori i klinikës Ferat Sallahu.
I treti me më së shumti operacione është kirurgu Naser Plakolli me 99 intervenime. 91 operacione i ka Migjen Shaqiri dhe Fadil Beka me 88.
Më poshtë e gjeni dokumentin e plotë me emrat e kirurgëve dhe numrin e operacioneve të kryera.
Kjo është seria e parë e publikimit të performancës së kirurgëve të QKUK-së. Ditët në vijim do të publikohen edhe klinika të tjera. Dokumentet janë siguruar përmes ankesës në Agjencinë për Informim dhe Privatësi, pasi drejtoria e SHSKUK-së nuk i kishte kthyer gazetës përgjigje në kërkesën për qasje në dokumente. /Gazeta Shneta/