Ardhja në këtë botë me anë të operimit të nënës me diabet rrit më shumë mundësinë e shfaqjes së sëmundjes së diabetit edhe tek fëmija.
Sipas një lajmi të gazetës gjermane “Arztezeitung”, bëhet e ditur se studimi i cili zgjati 11 vjet dhe u realizua mbi 1650 fëmijë të cilët kishin nënën ose babanë të prekur nga diabeti tip 1, ka treguar se fëmijët e lindur me operacion rrezikohen 4,8 % nga diabeti deri në moshën 12 vjeç. Ndërsa tek fëmijët e lindur me lindje normale ky rrezik ulet në 2,2 %.
Shkaku i rritjes së rrezikut të sëmundjes së diabetit tek të lindurit me prerje cezariane lidhet me shtatzënitë e shumta, lindjet para kohe apo përdorimin e cigares nga nëna.
“Lindja me operacion ndikon në florën e zorrëve të fëmijës duke prekur kështu sistemin mbrojtës”, u shpreh Prof Anette Gabriele Ziegler, drejtuese e ekipit kërkues.
Duke pohuar se në zorrët e fëmijëve të lindur me operacion gjenden më pak bifidobaktere. Ziegler theksoi se flora e zorrëve të këtyre fëmijëve ngjason me florën e zorrëve të të sëmurëve me diabet.